Employer: Media24 Media24 Afrikaanse Nuus het ’n pos vir ’n subredakteur in Die Burger se dagkantoor. Ure wissel na gelang van redaksionele behoeftes. Pligte behels onder meer: * Redigeer en proeflees van kopie, met genoegsame kennis om dit op ’n sinvolle wyse te sny indien nodig; * Kontroleer korrektheid van feite, spelling en grammatika; * Skryf goeie byskrifte en opskrifte wat sowel die aandag trek as taalkundig en feitelik korrek is; * Lees bladproewe noukeurig en korrigeer; * Vertaal kopie, en maak seker dat dit taalkundig en feitelik korrek is; * Maak seker dat kopie die publikasie se spesifieke styl volg wat grammatika, taalgebruik en voorkeurspelwyses betref; en * Bly ingelig oor die jongste taalreëls soos in die taalstylgidse vervat. Die suksesvolle kandidaat moet aan die volgende kriteria voldoen: * Toepaslike tersiêre kwalifikasies; * Uitstekende taalvaardigheid, puik woordsub en ervaring in ’n redaksionele produksie-omgewing; * Kennis van die Eidos-stelsel sal ’n aanbeveling wees; * Minstens vyf jaar toepaslike joernalistieke ervaring; * ’n Aanvoeling vir en belangstelling in nuus, aktuele sake en die kunste; * Moet eie inisiatief aan die dag kan lê, maar ook in ’n span kan saamwerk; en * Moet vinnig en akkuraat onder druk kan werk. Die suksesvolle kandidaat moet bereid wees om elke tweede Vrydag en Sondag van 14h00-22h00 te werk. Ingevolge Media24 se diensbillikheidsbeleid sal daar aan geskikte kandidate uit die aangewese groepe voorkeur gegee word.